طبعا حنا يا معشر النساء أول شي يلفت نظرنا شكل الموبايل ولونه وبعدين سهولة الإستخدام وعشان كذا الناس كلها طايحه في آي فون لأنه مره شكله جذاب وسهل الاستخدام زائد أنو اكسسواراته مره كثيره.
طبعا نظام IOS من أبل لا غبار عليه ومن أفضل الموبايلات اللي ممكن نحصل عليها.
ولكن لا نغفل الأجهزة الأخرة اللي تعتمد نظام أندرويد اللي مواصفات مرة قوية ومميزة وأهم الشركات اللي تدعم هذا النظام سامسونغ و HTC وسوني وموتوريلا
ولا يهون البلاك بيري ولو إنه في نظري إلى زوال بسبب قلة التطبيقات اللي فيه مش مثل IOS من أبل ولا مثل أندرويد من جوجل
وفيه نظام ميكروسوفت ويندوز فون 8 اللي راح تدعمة أجهزة نوكيا الجديدة ولين الحين ما شفناه ولكن مع الوقت راح نعرف
بس اللي يميز جميع الأجهزة هي سهولة الإستخدام وكمان اشكالها كلها تقريبا صارت جذابة ومشابهه لبعض لأنها معظمها أجهزة تعمل باللمس يعني كل شي على الشاشة.
وفي النهاية اصبحنا الآن ومعظمنا تقريبا عندنا الأنظمة الثلاثة تقريبا في جوالاتنا يعني دايم أشوف الناس عندها بلاك بيري أو آي فون أو بلاك بير وأندرويد أو أندرويد وىي فون وهكذا ..
أنا بحكم شغلي على الإنترنت عندي الثلاثة وما أحس أنو فيه فرق كبير إلا إن البلاك بيري فيه ميزة الماسنجر بس أتوقع إنها إلى زوال مع نزول تطبيقات آي مسنجر وآي تشات من سامسونغ لأندرويد !
