دايم ما يدور في بالي .. هو أنا بس أو كثير غيري .. ليه لين شرينا جهاز جديد وخصوصا الأجهزة الألكترونية الشخصية مثل الموبايل أو الكمبيوتر أو الأجهزة اللوحية أو الطابعة واللي دايم ما تتعلق بالمكتب وكمان الكاميرا ..
ليه لين جينا نفك التغليف نفكه بمنتهى الحذر ونتهيب الجهاز في البداية .. يعني ما ناخذ عليه وجه على طول .. ويقولك بعد إن ذا الشعور موجود في السيارة الجديدة وبما إن ماعندي سيارة وكمان في ديرتي ما يحق لي إني أسوقها فالشعور هذا لين ألحين ما جاني .. بس يمكن الشباب عنهم هذا الشعور ..
وش ممكن يكون السبب برايكم؟
اعتقد السبب والله اعلم انه الجهاز كل مازاد سعره يزيد الحذر والخوف من التعامل معاه أول مره..
والله يمكن .. بعدين سبحان الله تروح البزه ولا عاد نهتم ونبدأ نحذف في الأجهزه يمين ويسار 🙂
لووول علشان يديد تونه مستانسين فيه شارينه علشان جذي نفتح ببطأ شديد
وأبشرك بعض البنات ما يشيلون البلاستيك اللي على الشاشة إلا بعدين هههههههههه
ههههههههههههههههههههههههههههههه من جد الموضوع لفت انتباهي!!والله انك صادقة ،تراني أنا من هالناس ؛) احس انه هالشعور مهب حلو 🙁 لانه الواحد المفروض يكون مبسوط وينطلق لاكتشاف وش في هالجهاز ويستمتع،بس للأسف !!! ولا ازيدك من الشعر بيت !!! نهاب الجهاز ونهيب اللي حوالينا منه؛) وياويل اللي بيمسكه والا بيلمسه ،واحيانا نطر انه لو قربوا منه تجيهم ذيك الصرخة اللي تطيرهم&). أنا بالنسبة لي أقولك هالموضوع يستحق المناقشة ؛) والأخ كب أوف بلوقنق جوابك برضوا وجهة نظر ،،يمكن سعر الجهاز لها دور بس على قولة الاخت هلا المشكلة ان الواحد ياسرع ماتروح منه هالبزة وينطل هالجهاز واحيانا ممكن ينسرق كمان؛(؛(. بس في النهاية اقول إحنا ينطبق علينا يامن شرى له من حلاله علة :)!!!
شاها .. الله الله .. ياسرع ما تروح البزه ويسوء الاستخدام .. يمكن لأننا عارفين إن في السوق صارت أجزتنا قديمة ونزلت جديدة ومصيرنا إننا نشتري الجديد عشان كذا اللي فـ يديننا نكحل به