هذا حالنا دايم يصيبنا الملل ونضطر نناقز من تطبيق لتطبيق .. دايم بين فترة وفترة يظهر شي جديد و تصير له هجرة موسمية كبيرة من مستخدمين اللتطبيقات، وخصوصاً عندنا في منطقة الخليج نكون أول ما يروح للتطبيقات اللي تلقى رواج كبير في العالم ونتفاعل فيها بشكل كبير من بعد الهجرة طبعاً.
ومثل ما حصل من قبل في الفيسبوك وبعده إلى تويتر وبعده الكيك وبعدين الإنستغرام والحين الإتجاه الجديد هو سناب شات اللي صاير هو الأكثر تفاعل في الوقت الحالي .. ومثل كل تطبيق أول مين يستخدمه الناس بشكل فردي اللي يحاولون يتفاعلون فيه، بعدها بوقت قليل تجي الشركات وتشترك وتعمل لها حسابات عشان الترويج ..
بس الحلو في سناب شات إن الفيديو فيه أطول .. ويمكن الناس تثق فيه لأنه ما هو محفوظ .. لكن برأيي البسيط أي أحد يقدر يحفظه لو كان عنده جوال ثاني وشغل كاميرا الفيديو على الجهاز اللي فيه المقطع المرسل ويصير محفوظ عنده ..
وأرجع وأقول مافيه خصوصية بالإنترنت مافيه .. لو قالوا ماقالوا .. دام أي شخص دخل هذي الشبكة يقول على خصوصيته السلام وسلامتكم.
واللي يبغى يشوف يومياتي على السناب شات يقدر يضفني على حسابي wainblog
نعم صحيح العنوان معبر.. . هجرة موسمية
لحب الناس التجديد .. والبحث عن تسلية بشكل جديد 🙂