ياناس الحياة حلوة .. خلونا نشوف الجانب المشرق اللي فيها .. أكتبوا عن أشياء جميلة أو تجارب مفيدة أو نصايح ذات قيمة شاركوا الناس خبرتكم .. ذبحتونا يالمدونات .. طول الوقت شاهد حريق .. صور حادث سيارات .. شاهد رجل يسرق إمرأة عجوز .. خادمة تقتل طفلة .. ومسلسل الحوادث مستمر والمشكلة بالصور وبالفيديو اليوتيوب ..
ثقافة المنتديات إنتقلت بصورتها الكئيبة للمدونات وإنسابت فيها .. و المشكلة إن كل المدونات صارت تنقل من بعض يعني الموضوع في كل المدونات في نفس اللحظة والمصيبة إن محد يستحي من النقل .. أوكي إنقلو بس مو كل شي وطول الوقت .. يعني إنقلوا الشي اللي يلفت إنتباهكم ومع الإشارة للمصدر ..
كذا والله ما يصير .. حبوا الحياة .. خلونا كمان نحب الحياة .. وعلى قولة قناة فتافيت ,, فتافيت الحياه حلوه ..
وين الإبتكار؟ وين المبادرة؟ وين الشي الجديد؟ وين الأسلوب؟ .. وإلا هذا حنا .. محلك سر ياكافي ! مير بدا الموضوع يمصخ .. خلاص .. يكفي .. طول الوقت كتابة عن الأخبار اللي هي عبارة عن صحافة صفراء .. فضايح ونشر غسيل .. وما شابه ..
مير لين دخلت أشوف المدونات الأجنبية يضيق صدري.. حنا وين وهم وين ؟ ليه حنا مو فاهمين وش هو المدونات ! ليه ؟
والله عيب !
اي والله اغلب المدونات تضيق الخلق.
ما حكيت إلا لأن الوضع صاير ما ينطاق .. مافيه مدونات نتصفحها توسع الصدر إلا ينعدون على أصابع اليدين !
اي والله صح الكلام يريت يكون مافي تقليد بالمره كل واحد يحط تجاربه واشياء حصريه ليستفيد الجميع
وشكرا
صايرين كنهم مواقع إخبارية ,, مما غير إنقل في الخبر وبس .. ما حسيت إنهم حقيقيين .. حسيت إن أهدافهم من المدونات مو هي الأهداف المرجوه من عام المدونات .. اللي هو العالم الجديد عالم التجارب الشخصية .. والكلام اللي يتم كتابته بواسطة المدون نفسه ..
لا .. وأزيدكم من الشعر بيت .. مير بعضهم ما حتى يرد على التعليقات .. طيب لو ما أنت راد ليه كلفت نفسك وكتبت الموضوع .. عفوا قصدي نقلت الموضوع !!
thank you