على بعد 100 كيلو من مدينة دبي تقع قرية حتا وهي التابعة لإمارة دبي وهي قرية جبلية صغيرة جداً واللي يميزها الهدوء وجمال الطبيعة الجبلية فيها..
قبل اسبوعين تقريبا رحنا لها قلنا بنغير جو شويه عن صخب دبي وتمشينا بالسيارة في القرية وبعدين وصلنا للمكان اللي حنا مقررين نقعد فيه وهو فندق “حصن حتا – Hatta Fort” اللي تحت إدارة مجموعة جبل علي للفنادق والمنتجعات.
الفندق عبارة عن شاليهات جميلة والبناء قديم والمساحة الخضراء فيه كبيرة وكمان فيه طواويس أشكال وألوان.. وبالفندق مجموعة من الفعاليات اللي ينظمها مثل الصعود للجبل والجولف والرماية وغيرها
تغدينا في المطعم وكان وقت العصر والمطعم كان شبه فاضي مافيه إلا حنا وثلاث طاولات فيها ناس وبعدها رحنا بكل ثقة للإستقبال وقلنا نحجز غرفة عشان نبات والمفاجأة كانت أنو الفندق كان كله محجوز بسبب عيد الفصح ! ولا جا في بالنا إنه يكون محجوز.
المهم إننا تمشينا وشمينا هو نظيف جداً ومتعنا عيوننا بالمناظر الجميلة والجو كان جميل .. وبعدها رجعنا لدبي
نصيحتي للباحثين عن الهدوووووء .. فندق حصن حتا .. مكان مناسب خصوصا إذا كان الجو جميل..
ما شاء الله شكل المكان رائع ..
والله يا لميا هو روعه بس بشرط وحطي تحت كلمة شرط خط .. شرط الجو يكون حلو وإلا أنا مو مسئولة عن العواقب 🙂
ليش هو المكان مو آمن والا ايه؟
لا .. ما نتكلم عن الأمن .. نتكلم عن الجو يعني الطقس .. في الصيف والحرارة يكون الوضع متعب مره ..
ما شاء الله الإمارات من أفضل الدول من حيث الأمن والأمان والله يديمه عليهم وعلى السعودية وكل دول مجلس التعاون الخليجي و سائر الدول الإسلامية والعربية.