المحبة تجي كذا من الله .. ولندن من المدن اللي لها محبة في قلوبنا وخصوصا حنا يالسعوديين ويالخليجيين .. لذلك تعتبر أكثر مدينة زرتها في حياتي تقريبا أكثر من ثلاثين مرة من يوم ما كنت صغيرة وأهلى كانوا يترددون دايم على لندن .. ولي فيها أحلا الذكريات.
وعلى الرغم من زياراتي الكثيرة إلا إنها من المدن اللي لازم تتكرر وتستحق التردد عليها دايم، لأن لندن دايم عندها شي جديد وكمان كبيرة بحيث ممكن استكشافها على مراحل.
المرة هذه رحنا لندن في وقت أعياد رأس السنة وكانت رحلة رائعة .. البداية كانت مع الطيران اللي ما راح أتكلم عنه لأننا تعرضنا لمواقف شينة وما أظن إني بسافر عليها إلا إذا لاحظت إن مستواهم تغيّر، لأن من جد شي يضيق الصدر لما نكون مستخدمين درجة الأعمال ولا نكون راضين كمان عنها.
ولكن اللي راضين عنه تماما الحمدلله “السكن” اللي اخترناه واعتبر اننا توفقنا فيه يالله من فضلك وهي شقق مفروشة فاخرة وموقعها مميز واسمها بوفورت، تقع خلف متجر ميلبري في برومبتون رود وقربية جدا من هارودز، الشقة مرتبه مرة وموقعها قريب من كل شي .. وبصراحة أضافت الكثير لرحلتنا.
وبعدين إنتقلنا للسكن في فندق ذا كابيتال لندن، واللي برضوا قريب من هارودز .. هو فندق لطيف ومرتب بس مشكلته إن غرفتنا فيه كانت مرة صغيرة وحسينا إنها صغيرة أكثر بعد ما كنا في الشقة اللي كانت 3 غرف نوم وصالة ومطبخ وغرفة طعام .. حسينا بالفرق عن غرف الفندق.
وهذا الشي يعزز من كلامنا السابق إن لندن أفضل شي فيها السكن في الشقق المفروشة الـ 5 نجوم .. تكون أريح مرة وأنفه بصراحة.
وهذي الرحلة سنبتها كلها لحظة بلحظة في سناب شات (wainblog) وكذلك رفعت الفيديوهات على قناتي على يوتيوب.
تفضلوا كل الفيديوهات يوميات الرحلة .. لحظة بلحظة في لندن وفيها معلومات عن كل الأماكن اللي زرناها:
