التصميم ليس فن ! .. وهذا هو الفرق

دايماً نسمع كلمة فن وتصميم وإنها مرتبطة مع بعض ولكن الحقيقة هم مجالين مختلفين تماما عن بعض على الرغم من إنهم متشابهين ومتداخلين إلا إن فيه اختلاف جوهري بينهم وهذي حقيقة عشان كذا هم كلمتين “فن” و “تصميم”، بمعنى أنو “التصميم ليس فن”. وأقرب تصوير للفرق هذا أنو التصميم هو لتوصيل فكرة لابد من المتلقي لها إن يلقطها على طول، أما الفن فهو مفتوح المجال لتفسيره بأكثر من معنى وهنا يبرز دور ذوق المتلقي على عكس التصميم اللي لابد من إنه يحقق أهداف العميل.

الفن

وبعد بحث بسيط وجدت أنو التصميم مرتكز في الأساس على الاستخدام وتجربة المستخدم، أما الفن يرتكز على الفنان اللي فنه يدور حول تعبيره الشخصي المتعلق بحياته وكل ما يدور حولها من أفكار وخيال وحتى عواطفه وغالبا رأي النقاد مش مهم بالنسبة للفنان ، أهم شي عند الفنان إنه يوصل فكره هو يحس فيها ويبغى يظهرها، ويقوم بالعمل الفني وقت ما يحب أو وقت الإلهام.

التصميم

أما التصميم على العكس تماما فهو يتعلق بالعميل والاستخدام والحاجة، يعني المصمم يحتاج إلى ناس أو العميل اللي يستخدم تصميمه وهو العمل اللي يتم تداوله بين الناس لأن هذا التصميم ما له داعي لو الناس ما كانت في حاجته، وكمان لازم يحل مشاكل الناس على سبيل المثال المصمم يقوم بتصميم كرسي ارتفاعه منخفض شوي عشان يعطي راحة أكثر في الجلوس وهنا نقول الكرسي هذا مريح وتصميمه كويس أو ملصق إعلاني لين شفناه قلنا والله “يا سلام من جد ملفت ويحقق الغرض” وطبعا الغرض هو جذب الناس بالتأكيد. وهنا الاختلاف عن الفن اللي يقاس بكلمة “جميل”، وأزيد الفن مش بس جميل بل معبر أيضا لأنه ينقل رسالة.

الاقتران

وكمان التصميم دائما يقترن بشي آخر يكون المُسبب لاستخدامه مثل وش المشكلة اللي يحلها؟ أو هذا التصميم لمين؟ أو في أي وقت ؟ وعشان كذا الاقتران أو الارتباط مع التقنيات واللي تتغير بسرعة كبيرة والتصميم يتغير معاها كذلك، وعشان كذا نشوف أنو الشركات دايم تغير شعاراتها وتغير هويتها بالكامل بين كل فترة وفترة لأن التصميم اللي كان ناجح ومناسب قبل 5 سنين أو 10 سنوات ما تنفع الآن، وفيه تصاميم كثيرة كانت مهمة ولكنها مش ضرورية في وقتنا الحالي.

الموناليزا

طبعا هذا عكس الفن اللي نشوف لوحاته الخالدة في المتاحف، والفن العظيم يتم تقديره دائما على إنه قيمة، ولنا مثال في لوحات أشهر الرسامين مثل ليوناردو دافينشي صاحب اللوحة الأشهر على الإطلاق الـ ” الموناليزا”، ومايكل أنجلو ورامبرانت وأسماء كثيرة على مر العصور.

جميل

الخلاصة أن العمل الفني لين شفناه نطلق عليه كلمة “جميل” لأننا استمتعنا فيه وحبيناه بس لين شفنا تصميم على طول نفكر في الاستخدام ونقول شكله مريح شكله زين شكله جيد وهكذا. وطبعا هذا ما يلغي دول الابتكار والإبداع في التصميم ولكن الاقتران هو اللي خلاه في زاوية إن التصميم لا بد من وجود حاجه لاستخدامه مثل تصميم السيارات والطيارات والهواتف الذكية والأدوات الكهربائية وغيرها من الابتكارات اللي ما نستغني عنها واللي جعلت عالمنا مكان أفضل للعيش.