البارحة رحت تفرجت على فيلم “هيفاء وهبي” الجديد، اللي اسمه “حلاوة روح” وأنا بكل صراحة هالآدميه ما أشوف كليباتها ولا أشوفها جميلة ولا أعتبر اللي تقدمه فن ! .. ولكن من باب الفضول رحت أشوف الفيلم اللي كل الجرايد والمجلات قالوا إنها تجاوزت كل الحدود لدرجة إن السينمات في الإمارات بعد شكاوي الناس حذفت وهذبت الفيلم حسب جريدة البيان الإماراتية.
اللي حصل إني كنت خجلانه مره وأنا أتفرج على الفيلم اللي عبارة عن فيديو كليب هابط بس بمدة طويلة .. ونسخة مشوهة من فيلم مونيكا بلوتشي (مالينا) ..
ما أقول إلا ياعيباه بس على كذا أفلام ما منها نفع .. الأسبوع الماضي كان فيلم ولا أجمل اسمه “فتاة المصنع” واللي قبله فيلم جميل جداً اسمه “فيلا 69” والحين جانا هالفيلم اللي نزل علينا مثل الصاعقة .. و الوكاد إنها ما قامت بهالدور إلا لأنها تحس إن الأضواء بدأت تنحسر عنها .. وكان الرد بهذا الفيلم الجريء واللي ما فيه أي إضافه لها ولا للسينما ولا للمشاهد!
ومو بس كذا حضرت العرض الأول للفيلم ببيروت وشعرها أحمر وراكبه فراري بيضاء! و الزبدة .. وش تبي هالآدمية ؟
فلم سيئ